பாகிஸ்தான் நடிகை கெளரவக்கொலையில் சகோதரி அதிரடி கைது
பிரபல பாகிஸ்தான் நடிகை குவாண்டீல் பலோச் தனது சமூக வலைத்தளங்களில் சர்ச்சைக்குரிய கருத்துக்களை கூறி வரும் வழக்கத்தை உடையவர். டாப்லெஸ் புகைப்படங்கள், பழமைவாதத்திற்கு எதிரான கருத்து ஆகியவற்றை தொடர்ந்து பதிவு செய்த வந்த குவாண்டீல் பலோச்சை அவரது உறவினர்களே பலமுறை கண்டித்தனர். ஆனால் அவர் கேட்கவில்லை. இந்நிலையில் சமீபத்தில் நடிகை குவாண்டீல் பலோச் அவர்களை அவரது சகோதரரே கெளரவக்கொலை செய்தார்.
இந்த கவுரவ கொலை குறித்து பாகிஸ்தான் போலீஸார் விசாரணை நடத்தி வரும் நிலையில் நடிகையின் சகோதரர் வாசிம் சமீபத்தில் கைது செய்யப்பட்டார். அவரிடம் நடத்தப்பட்ட விசாரணையில் இந்த கொலைக்கு நடிகை குவாண்டீல் பலோச்சின் சகோதரி ஒருவருக்கும் உறவினர் ஒருவருக்கும் தொடர்பு இருந்தது தெரிய வந்தது. இதனால் அவர்கள் இருவரையும் பாகிஸ்தான் போலீசார் நேற்று கைது செய்துள்ளனர். கொலை வழக்கு தொடர்பாக அவர்களிடம் போலீசார் விசாரணை மேற்கொண்டு வருகின்றனர். பலோச்சின் சகோதரர் வாசீம் நீதிமன்றத்தில் ஆஜர்படுத்தப்பட்டு, போலீஸ் காவல் மேலும் மூன்று நாட்களுக்கு நீட்டிக்கப்பட்டது
