கவுதமியின் ராணி இல்லத்தில் பாபநாசம் வெற்றி விழா
கடந்த வாரம் வெளியான கமல்ஹாசனின் ‘பாபநாசம்’ திரைப்படத்தின் சக்ஸஸ் மீட்டிங் நேற்று சென்னையில் நடைபெற்றது. இந்த படத்தில் இடம்பெற்ற ‘ராணி இல்லம்’ என்ற வீடும் ஒரு கேரக்டராகவே இருந்ததால் இந்த சக்ஸஸ் மீட், ராணி இல்லம் போன்ற ஒரு செட் போடப்பட்டு அதில் நடத்தப்பட்டது.
பாபநாசம்’ படத்தில் இடம்பெற்ற முக்கிய காட்சிகள் அனைத்தும் இந்த வீட்டில் நிகழும்படி இருக்கும் வகையில் திரைக்கதை அமைந்துள்ளதால் இந்த படத்தின் வெற்றிக்கு இந்த வீடும் ஒரு காரணம் என்ற செண்டிமெண்ட் காரணமாக இந்த விழாவில் ராணி இல்லம் செட் போடப்பட்டதாக கூறப்படுகிறது.. இந்த வீடு, கவுதமி கேரக்டரின் பெயரான ‘ராணி’ பெயரிலேயே ‘ராணி இல்லம்’ என்று அமைக்கப்பட்டிருக்கும் என்பது குறிப்பிடத்தக்கது.
இந்த வெற்றி விழாவுக்கு கமல், கவுதமி, நிவேதா தாமஸ், எஸ்தர் அனில், டெல்லி கணேஷ் உள்பட படக்குழுவினர் பலர் வந்திருந்தனர் என்பது குறிப்பிடத்தக்கது.
இந்த வெற்றி விழாவில் படக்குழுவினர் ‘பாபநாசம்’ படத்தின் ஒருசில காட்சிகளை டிராமா போன்ற நடித்தது இந்த விழாவின் ஒரு ஹைலைட்.
கடந்த வார இறுதி நாட்களில் சென்னையில் மட்டும் ரூ.1.34 கோடி வசூல் செய்த பாபநாசம் படத்தின் வசூல் உலகம் முழுவதும் பிரமிக்கத்தக்க வகையில் இருப்பதாகவும், விரைவில் இந்த படம் ரூ.100 கோடி கிளப்பில் இணையும் என எதிர்பார்ப்பதாகவும் கூறப்படுகிறது.
