தமிழகத்தில் பூரண மதுவிலக்கை அமல்படுத்த கோரி மதுரை சட்டக்கல்லூரி மாணவி நந்தினி கடந்த சில நாட்களாக அவ்வப்போது உண்ணாவிரதம் இருந்து வருகிறர். இந்நிலையில் இன்று மாணவி நந்தினிக்கு ஆதரவாக களமிறங்கிய உலகத்தமிழர் பேரவை தலைவர் பழ.நெடுமாறன் கைது செய்யப்பட்டார்.
தமிழக அரசை பூரண மதுவிலக்கை அமல்படுத்த கோரி தொடர் போராட்டம் நடத்தி வரும் சட்டக்கல்லூரி மாணவி நந்தினியும், நெடுமாறனும் இன்று மதுரையில் உண்ணாவிரதம் இருக்க முயற்சித்த போது கைது செய்யப்பட்டனர். அனுமதியின்றி உண்ணாவிரதம் இருக்க முயன்றதால் நெடுமாறன் கைது செய்யப்பட்டதாக மதுரை போலீஸார் விளக்கம் அளித்துள்ளனர்.
நெடுமாறன் கைது காரணமாக மதுரையில் ஏற்பட்டுள்ள பதட்டத்தை தணிக்க நகர் முழுவதும் பலத்த பாதுகாப்பு ஏற்பாடுகளை போலீஸார் செய்துள்ளனர். நெடுமாறனின் கைதுக்கு சீமான், வைகோ, ராமதாஸ் ஆகியோர் கண்டனம் தெரிவித்துள்ளனர்.
