தனுஷூடன் மீண்டும் இணையும் பி.சி.ஸ்ரீராம்
தனுஷ் நடித்த ‘கொடி’ வரும் தீபாவளி தினத்தில் வெளியாகவுள்ள நிலையில் அவர் தற்போது ‘எனை நோக்கி பாயும் தோட்டா’ மற்றும் ‘வடசென்னை’ ஆகிய படங்களில் நடித்து வருகிறார்.
மேலும் கார்த்திக்சுப்புராஜ் இயக்கத்தில் தனுஷ் ஒரு படத்தில் நடிக்கவுள்ளதாகவும் இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரிக்கவுள்ளதாகவும் வெளிவந்த செய்தியை ஏற்கனவே பார்த்தோம்.
இந்நிலையில் இந்த படத்தில் தற்போது பி.சி.ஸ்ரீராம் இணைந்துள்ளார். ஏற்கனவே தனுஷ் நடித்த ‘ஷமிதாப்’ படத்திற்கு ஒளிப்பதிவு செய்த பி.சி.ஸ்ரீராம் தற்போது மீண்டும் அவர் படத்திற்கு ஒளிப்பதிவு செய்யவுள்ளார் என்பது குறிப்பிடத்தக்கது.
ஆக்சன் திரில்லர் படமாக உருவாகவுள்ள இந்த படத்தை ஸ்ரீதேனாண்டாள் ஃபிலிம்ஸ் அதிக பொருட் செலவில் தயாரிக்கவுள்ளதாவும் இந்த படத்தின் நாயகி உள்பட மற்ற கதாப்பாத்திரங்களுக்குரிய நடிகர், நடிகை தேர்வு நடைபெற்று வருவதாகவும் இதுகுறித்த தகவல்களை படக்குழு விரைவில் அறிவிக்கும் என்றும் எதிர்பார்க்கப்படுகிறது.
