உலகம் முழுவதும் இரண்டரை மணி நேரம் முடங்கியது வாட்ஸ் அப்! அதிர்ச்சி தகவல்
ஃபேஸ்புக் நிறுவனத்தின் கிளை நிறுவனமான வாட்ஸ் அப் சமூக வலைத்தளம் இன்று அதிகாலை திடீரென இரண்டரை மணி நேரம் முடங்கியதால் அதன் பயனாளிகள் கடும் அதிர்ச்சி அடைந்தனர்.
உலகம் முழுவதும் சுமார் 600 மில்லியன் நபர்கள் வாட்ஸ் அப் சமூக வலைத்தளத்தை பயன்படுத்தி வருகின்றனர். இந்நிலையில் தொழில்நுட்பக் கோளாறு காரணமாக இன்று அதிகாலை சுமார் இரண்டரை மணி நேரம் வாட்ஸ் அப் இயங்கவில்லை. அதனால் அதன் பயனாளர்கள் மெசேஜ்களை அனுப்பவும் முடியாமல் பெறவும் முடியாமல் பாதிக்கப்பட்டனர்.
இந்நிலையில் இந்த பிரச்னைக்கு வாட்ஸ் அப் நிறுவனம் இ-மெயில் மூலம் மன்னிப்பு கேட்டுள்ளது. வாட்ஸ் அப் பீட்டா 2.17.140 என்ற புதிய பதிப்பில் பிழை இருப்பதாகவும் இதனால் ஏற்பட்ட தொழில்நுட்ப காரணத்தால் வாட்ஸ் அப் முடங்கியதாகவும், தற்போது தொழில்நுட்பக் கோளாறு சரிசெய்யப்பட்டுவிட்டதாகவும் வாட்ஸ் அப் கூறியுள்ளது.
