இந்திய அணியின் பொறுப்பில்லாத ஆட்டம்: கோலி, யுவராஜ், அஸ்வின் உருவப்படம் எரிப்பு
விளையாட்டு என்பதில் வெற்றி தோல்வி இரண்டுமே சகஜம் என்றாலும் கொஞ்சம் கூட பொறுப்பில்லாமல் ஒரு முக்கிய போட்டியில் விளையாடிய இந்திய கிரிக்கெட் அணிக்கு கண்டனங்கள் எழுந்து வருகின்றன. உலகின் நம்பர் ஒன் பேட்ஸ்மேன் விராத் கோஹ்லியின் செயல்பாடு சுத்தமோசம் என்ற விமர்சனங்கள் எழுந்துள்ளன.
இந்திய அணியின் தோல்வியை ரசிகர்களால் தாங்கிக் கொள்ள முடியவில்லை. இந்திய அணியின் இந்த தோல்விக்கு எதிர்ப்பு தெரிவித்து உத்தரப்பிரதேச மாநிலத்தில் கான்பூரில் ரசிகர்கள் போராட்டத்தில் ஈடுபட்டனர். மேலும், கோலி, யுவராஜ், அஸ்வின் உள்பட இந்திய வீரர்களின் உருவப்படங்களை தீயில் எரித்தனர்.
நேற்றை போட்டியில் இந்திய அணி பெளலிங், பீல்டிங், பேட்டிங் என அனைத்திலும் சொதப்பியதை இந்திய ரசிகர்களால் பொறுத்து கொள்ள முடியவில்லை. இந்த நிலையில் இந்தியாவின் தோல்வியால் சூதாட்டக்காரர்களுக்கு சுமார் ரூ.5000 கோடி வரை லாபம் கிடைத்துள்ளதாக சமூக வலைத்தளங்களில் கூறப்படுகிறது.
