ஓநாயும் ஆட்டுக்குட்டியும் படத்தை அடுத்து பாலா தயாரிப்பில் மிஷ்கின் இயக்கத்தில் உருவான திரைப்படம் ‘ பிசாசு’. இப்படத்தின் ரிலீஸ் வரும் டிசம்பர் 25 என எதிர்பார்க்கப்பட்ட நிலையில் தற்போது படத்தின் ரிலீஸ் தேதியை டிசம்பர் 19க்கு படக்குழுவினர் மாற்றியுள்ளனர்.
டிசம்பர் 12ல் ரஜினியின்‘லிங்கா’ வெளியீடு உறுதி செய்யப்பட்டுள்ள நிலையில் ஒரே வார இடைவெளியில் ‘பிசாசு’ படத்திற்கு கிடைக்குமா? என்ற சந்தேகம் இருந்து வருகிறது. ஆனால் மிஷ்கின் இதுகுறித்து கூறும்போது, ரஜினியோடு நாங்கள் போட்டி போடவில்லை. ஆனால் எங்கள் படத்திற்கும் கண்டிப்பாக தியேட்டர் கிடைக்கும் என்ற நம்பிக்கை இருக்கின்றது என்றார்.
லிங்காவை அடுத்து டிசம்பர் 25ல் ‘மீகாமன்’, ‘கயல்’, ’இசை’ , ‘எனக்குள் ஒருவன்’, ‘வெள்ளக்காரதுரை’ ஆகிய படங்கள் வெளியாக உள்ளதால், இத்தனை படங்களுடன் மோதுவதை விட லிங்கா என்ற ஒரே ஒரு படத்துடன் மோதுவது நல்லது என மிஷ்கின் நினைப்பதாக கூறப்படுகிறது.
