வருகிற பொங்கல் தினத்தில் அஜீத்தின் ‘என்னை அறிந்தால்’ , ஷங்கரின் ‘ஐ’ மற்றும் விஷாலின் ‘ஆம்பள’ ஆகிய மூன்று திரைப்படங்களும் ரிலீஸாவது கிட்டத்தட்ட உறுதியாகிவிட்டது. என்னை அறிந்தால் தயாரிப்பாளரும், ஐ தயாரிப்பாளரும் பேச்சுவார்த்தை நடத்தி பட ரிலீஸ் தேதிகளை மாற்றி அமைப்பார்கள் என கோலிவுட் எதிர்பார்த்தது. ஆனால் இருவரும் பேச்சுவார்த்தைக்கு உடன்படாமல் தியேட்டர்களை பிடிப்பதில் மும்முரம் காடியதால் இரு படங்களின் ரிலீஸும் உறுதியாகிவிட்டது.
இந்நிலையில் இரண்டு பெரிய படங்களுக்கு நடுவே தனது படத்தையும் வெளியிட விஷாலும் துணிந்துவிட்டார். பொங்கல் ரிலீஸ் என்று தனது படம் ஆரம்பித்த நாளே முடிவு செய்யப்பட்டது என்றும், ‘தல’ படத்துடன் மோதி தோல்வியடைந்தால் கூட அது தனக்கு பெருமையே என்று விஷால் கூறியுள்ளதாக கூறப்படுகிறது.
பொங்கலுக்கு அடுத்து வரும் தினங்களில் அனேகன், உத்தமவில்லன், கொம்பன், என அடுத்தடுத்து படங்கள் வெளிவர தயாராக இருப்பதால் ஷங்கரும் பொங்கல் தினத்தை மிஸ் செய்ய விரும்பவில்லை. என்ன ஆனாலும் பரவாயில்லை, தல’யுடன் மோதிப்பார்த்துவிடுவது என்று முடிவு செய்துவிட்டார். அஜீத்தும் அஜீத் ரசிகர்களும் தனக்கு எதிரிகள் இல்லை. கண்டிப்பாக அஜீத் ரசிகர்களும் தனது படத்துக்கு ஆதரவு கொடுப்பார்கள் என அவர் நம்பிக்கை தெரிவித்துள்ளார்.
பொங்கல் ரேஸில் வெற்றி பெற போவது யார் என்பது கோலிவுட்டில் பரபரப்பாக பேச்சு அடிபடுகிறது.
