அமரர் கல்கி எழுதிய காலத்தால் அழிக்க முடியாத வரலாற்று காவியம் ‘பொன்னியின் செல்வன். ராஜராஜ சோழனின் பெருமைகளை கூறும் இந்த வரலாற்று நாவலை திரைப்படமாக எடுக்க எம்.ஜி.ஆர், சிவாஜி கணேசன், கமல்ஹாசன் ஆகியோர் முயற்சி செய்து தோல்வி அடைந்தனர். ஒருசில இயக்குனர்கள் பொன்னியின் செல்வன் தொலைக்காட்சி தொடராக எடுக்க முயன்ற முயற்சியும் தோல்வியில் முடிந்தது.
இந்நிலையில் இந்த நாவலை அனிமேஷன் திரைப்படமாக எடுக்க தற்போது முயற்சி நடந்து வருகின்றது. வளமான தமிழகம் இயக்கத்தின் நிறுவனர் பொ.சரவணராஜா இந்த புதிய முயற்சியில் ஈடுபட்டுள்ளார். இரண்டரை மணி நேரம் ஓடக்கூடிய வகையில் அனிமேஷனின் தயாராகவுள்ள இந்த திரைப்படத்தின் மூலம் பொன்னியின் செல்வனின் பெருமை இளைய தலைமுறையினர்களுக்கும் சென்றடையும் என்று சரவண ராஜா கூறியுள்ளார்.
இந்த படத்தின் ஆரம்பவிழா விரைவில் சென்னையில் உள்ள ஒரு நட்சத்திர ஓட்டலில் நடைபெற உள்ளதாக கூறப்படுகிறது.
