[carousel ids=”68229,68228″]
இங்கிலாந்து நாட்டின் குட்டி இளவரசரான ஜார்ஜ் அவர்களின் இரண்டாவது பிறந்த நாள் வரும் 22ஆம் தேதி வெகு பிரமாண்டமாக இங்கிலாந்து ராணியின் அரண்மனையில் நடைபெறவுள்ளது. இந்த பிறந்த நாள் விழாவிற்கான ஏற்பாடுகள் விறுவிறுப்பாக நடைபெற்று வருகிறது. இந்நிலையில் ஜார்ஜின் பிறந்த நாளை ஒட்டி வெள்ளியில் ஐந்து பவுண்டுகள் நாணயம் ஒன்று வெளியிட உள்ளதாக செய்திகள் வெளிவந்துள்ளது
இந்த நாணயத்தில் ஒரு பக்கத்தில் எலிசபெத் மகாராணியின் படமும், இன்னொரு பக்கத்தில் டிராகனை கொல்லும் வீரர் ஒருவரின் படமும் அமைந்துள்ளது. ஜூலை 22ஆம் தேதி குட்டி இளவரசர் ஜார்ஜின் பிறந்தநாள் அன்று இந்த நாணயம் வெளியாகவுள்ளது. இந்த நாணயத்தை சேகரிக்க இப்போதே இங்கிலாந்து மக்கள் தயாராவிட்டனர்.
இப்போதைக்கு 7,500 நாணயங்கள் மட்டுமே வெளியிட உள்ளதாக கூறப்படுகிறது. இந்த நாணயத்தின் டிசைனை குட்டி இளவரசரின் பெற்றோர்களான் வில்லியம்ஸ் மற்றும் கேத் ஆகியோர்கள் தேர்வு செய்ததாக கூறப்படுகிறது.
