குத்துச்சண்டையை பார்க்க போன ராகுல்காந்திக்கு இதுதேவையா?
டெல்லியில் நேற்று ஆசிய பசிபிக் தொழில்முறை குத்துச்சண்டை சாம்பியன் போட்டி நடைபெற்றது. தியாகராஜ் உள்ளரங்கில் நடந்த இந்த போட்டியை நேரில் காண இளைஞர் காங்கிரஸ் தலைவர் ராகுல் காந்தி ஆர்வத்துடன் வந்திருந்தார்.
ராகுல்காந்தி அரங்கத்திற்கு வருவதை கண்டதும் அங்கு குழுமியிருந்த குத்துச்சண்டை ரசிகர்கள், அவரை பார்த்து முதலில் கையை ஆட்டி தங்கள் உற்சாகத்தை வெளிப்படுத்தினாலும் பின்னர் கொஞ்சம் நேரம் கழித்து அவரை கலாய்க்க ஆரம்பித்தனர். ஒருசிலர் ராகுல்காந்தியை பார்த்து வேண்டுமென்றே ”மோடி… மோடி…” என சுச்சலிட்டனர்.
ஆனால் இதை எதையுமே கண்டுகொள்ளாமல் ஒரு சிறு புன்னகையுடன் ராகுல் காந்தி போட்டியை ரசித்து பார்த்தார். போட்டி முடிந்து ராகுல் காந்தி மைதானத்தைவிட்டு வெளியேறியபோதும், ராகுலை ரசிகர்ள் இதே போன்று ரசிகர்கள் கலாய்த்தனர்.
இந்த போட்டியை காண இந்திய குந்துச் சண்டை வீராங்கனை மேரிகோம், மல்யுத்த வீரர் யோகேஷ்வர் தத், கிரிக்கெட்டர்கள் வீரேந்திர சேவாக், சுரேஷ் ரெய்னா, யுவராஜ் சிங் உள்ளிட்ட பிரபலங்கள் வந்திருந்தனர் என்பது குறிப்பிடத்தக்கது.
இந்த போட்டியில் ஆஸ்திரேலியாவின் கெர்ரி கோப்பரை வீழ்த்தி சாம்பியன் பட்டம் வென்றார் விஜேந்திர சிங். தொழில்முறை குத்துச் சண்டையில் விஜேந்திர சிங் தொடர்ச்சியாக பெறும் 7வது வெற்றி இது என்பது குறிப்பிடத்தக்கது.
