கருணாநிதியை சந்திக்க காவேரிக்கு வருகிறார் ராகுல்காந்தி
ஜெயலலிதா அப்பல்லோ மருத்துவமனையில் சிகிச்சை பெற்றபோதும், அவர் இறந்த பின்னர் இறுதிச்சடங்கு தினத்தன்றும் டெல்லியில் இருந்து சென்னை வந்த காங்கிரஸ் கட்சியின் துணைத்தலைவர் ராகுல்காந்தி, இருமுறையும் கூட்டணி கட்சி தலைவரான கருணாநிதி உடல்நலம் இன்றி இருந்தது குறித்து கண்டுகொள்ளவில்லை
இதனால் திமுக தலைமை காங்கிரஸ் மீது அதிருப்தி கொண்டது. இந்நிலையில் தமிழ்நாடு காங்கிரஸ் கமிட்டி முக்கிய தலைவர் திருநாவுக்கரசர், ஈ.வி.கே.எஸ். இளங்கோவன் ஆகியோர் காவேரி மருத்துவமனைக்கு சென்று கருணாநிதியின் நலம் குறித்து விசாரித்து சென்ற நிலையில் இன்று ராகுல்காந்தியும் சென்னை வரவுள்ளதாக செய்திகள் கூறுகின்றன
இன்று காலை 11 மணியள்வில் ராகுல்காந்தி சென்னை காவேரி மருத்துவமனைக்கு சென்று கருணாநிதியின் உடல்நலன் குறித்து விசாரிப்பார் என திமுக வட்டார தகவல்கள் வெளியாகியுள்ளது.
