மாநிலங்களவை தேர்தல் தேதி குறித்த அறிவிப்பு
தமிழகத்தில் நடைபெற்ற சட்டமன்ற தேர்தல் முடிவுகள் இன்று வெளியாகவுள்ள நிலையில் மாநிலங்களவை தேர்தல் குறித்த அறிவிப்பை தமிழக தலைமை தேர்தல் அதிகாரி ராஜேஷ் லக்கானி தற்போது அறிவித்துள்ளார்.
தமிழகத்தில் இருந்து தேர்வு செய்யப்பட்ட மாநிலங்களவை உறுப்பினர்களான கே.பி.ராமலிங்கம் (திமுக), ஏ.நவநீதகிருஷ்ணன் (அதிமுக), எஸ்.தங்கவேலு (திமுக), சுதர்சன நாச்சியப்பன் (காங்கிரஸ்), பால் மனோஜ் பாண்டியன் (அதிமுக), வில்லியம் ரபி பெர்னார்ட் (அதிமுக) ஆகியோர்களின் பதவிக்காலம் அடுத்த மாதம் நிறைவு பெறுவதை அடுத்து அதற்கான தேர்தல் வரும் ஜூன் 11-ஆம் தேதி நடைபெறும் என அறிவிக்கப்பட்டுள்ளது.
இந்த தேர்தலுக்கு வேட்புமனு தாக்கல் வரும் 24ஆம் தேதி தொடங்குகிறது. மனுக்களைத் தாக்கல் செய்ய மே 31-ஆம் தேதி கடைசி நாளாகும். திரும்பப் பெற ஜூன் 3-ஆம் தேதி கடைசி நாளாகும். புதியதாக தேர்வு செய்யப்பட்ட எம்.எல்.ஏக்கள் இந்த தேர்தலில் வாக்களிப்பார்கள்.
