சசிகலா வாழ்க்கை வரலாறு திரைப்படம் ஆகிறதா?
பரபரப்பான படங்களை இயக்குவதில் மட்டுமின்றி சமூக வலைத்தளங்களில் சர்ச்சைகளுக்கும் பெயர் போனவர் பிரபல தெலுங்கு இயக்குனர் ராம்கோபால் வர்மா. உண்மை நிகழ்ச்சிகளை மையமாக கொண்டு திரைப்படங்கள் இயக்கும் இவர் சமீபத்தில் ‘சசிகலா’ என்ற டைட்டிலை பதிவு பிலிம் சேம்பரில் செய்துள்ளார். இந்த தகவலை அவர் தனது டுவிட்டரில் அறிவித்துள்ளார்.
பிரபலமான அரசியல்வாதி ஒருவரின் நெருங்கிய தோழியின் வாழ்க்கை வரலாற்று தான் இந்த படம் என்றும், இந்த படம் ரசிகர்களை மிகவும் கவரும் என்றும் அவர் தனது டுவிட்டரில் தெரிவித்துள்ளார்.
மறைந்த முன்னாள் முதல்வர் ஜெயலலிதாவின் தோழி சசிகலாவின் வாழ்க்கை வரலாறு குறித்த படமாகத்தான் இருக்கும் என்று எதிர்பார்க்கப்பட்டாலும் இந்த படத்தின் கதை குறித்து இயக்குனரே விரைவில் அறிவிக்கவுள்ளார் என்பது குறிப்பிடத்தக்கது. இந்த படத்தில் சசிகலா கேரக்டரில் புதுமுகமும், ஜெயலலிதா கேரக்டரில் பிரபல நடிகை ஒருவரும் நடிக்கவுள்ளதாக கூறப்படுகிறது.
