திரைப்படம் ஆகிறது சசிகலா வாழ்க்கை வரலாறு. ராம்கோபால் வர்மா உறுதி
சசிகலா என்றாலே சர்ச்சை தான் என்று கூறும் அளவுக்கு கடந்த 33 ஆண்டுகளாக வெளியுலகில் நேரடியாக இல்லாமல் நிழலுலகத்தில் இருந்தார். அவரது குரலைகூட கடந்த இரண்டு மாதங்களுக்கு முன்பு வரை யாரும் கேட்டதில்லை. இந்நிலையில் ஜெயலலிதாவின் மரணத்திற்கு பின்னர் அதிமுக பொதுச்செயலாளர், முதல்வர் கனவு, சிறைத்தண்டனை, என தினசரி தலைப்பு செய்திகளில் இடம்பெற்று வருகிறார்.
இந்நிலையில் சசிகலாவின் வாழ்க்கை வரலாற்றை திரைப்படமாக எடுக்கவுள்ளதாக பிரபல இயக்குனர் ராம்கோபால்வர்மா தனது டுவிட்டரில் அறிவித்துள்ளார்.
போயஸ்கார்டனில் பணிபுரிந்த ஊழியர்கள் தன்னிடம் கூறியவற்றை எனது அடுத்த படத்தில் காட்சிகளாக வைப்பேன் என்றும் அந்த காட்சிகள் பார்வையாளர்களுக்கு அதிர்ச்சியாக இருக்கும் என்றும் அவர் தனது டுவிட்டரில் தெரிவித்துள்ளார்.
இந்த படம் சசிகலாவின் இன்னொரு முகத்தை பிரதிபலிக்கும் என்றும், இந்த படம் அவரை சார்ந்த மன்னார்குடி பாஃபியா கும்பலுக்கு மட்டுமே புரியும் என்றும் கூறி ராம்கோபால் வர்மா சர்ச்சைக்கு வித்திட்டுள்ளார்.
ராம்கோபல்வர்மாவின் இந்த முயற்சி எந்த அளவுக்கு நடைமுறையில் சாத்தியமாகும் என்பதை பொறுத்திருந்து பார்ப்போம்
