சில வருடங்களுக்கு முன்பு வெளியான 127 ஹவர்ஸ் என்ற ஹாலிவுட் படத்தில் கதாநாயகனின் கை ஒன்று பாறையிடுக்கில் ஒன்றில் மாட்டிக்கொண்டதால் 127 மணிநேரம் வெளியே வரமுடியாமல் தவிப்பார். பின்னர் வேறு வழியின்றி தனது கையை தானே கத்தியால் வெட்டிவிட்டு, பின்னர் உயிர் பிழைப்பார். இந்த படத்திற்கு ஏ.ஆர்.ரஹ்மான் இசையமைத்திருந்தார் என்பது குறிப்பிடத்தக்கது.]
இந்த படத்தில் நடந்த சம்பவம் போலவே நிஜமான சம்பவம் ஒன்று நேற்று சீனப்பெண் ஒருவருக்கு நடந்துள்ளது. ஆனால் அந்த பெண், தனது கையை வெட்டாமல் காப்பாற்றப்பட்டார்.
சினாவில் உள்ள மலைப்பகுதியான முடான்ஜன் என்ற பகுதிக்கு சுற்றுப்பயணம் வந்த சீனப்பெண் ஒருவர், இரண்டு பாறைகளுக்கிடையே இருந்த இடைவெளியை தாண்டி கடக்க முயன்றார். அப்போது அவருடைய கால் ஸ்லிப் ஆகி, பாறை இடுக்கில் விழுந்துவிடார். அவருடைய உடல் டைட்டாக பாறையில் சிக்கிக்கொண்டதால் அவரால்மேலே எழுந்து வரமுடியவில்லை.
இதுகுறித்து தகவல் அறிந்த சீன மீட்புப்படையினர் சுமார் 30 நிமிடங்கள் போராடி கயிற்றின் மூலம் அந்த பெண்ணை மீட்டனர். அவருடைய மார்பு மற்றும் முதுகுப்பகுதியில் சில காயங்கள் ஏற்பட்டிருந்ததால் அவர் உடனடியாக மருத்துவமனைக்கு அனுப்பி வைக்கப்பட்டார். இந்த சம்பவத்தால் அந்த பகுதியில் பெரும் பரபரப்பு ஏற்பட்டது.
