சிவகார்த்திகேயனின் ‘ரெமோ’வுக்கு ‘U’சான்றிதழ்
24ஏம் ஸ்டிடியோஸ் நிறுவனத்தின் பிரமாண்டமான தயாரிப்பில் பாக்யராஜ் கண்ணன் இயக்கத்தில் சிவகார்த்திகேயன், கீர்த்தி சுரேஷ் நடித்த ‘ரெமோ’ திரைப்படம் உலக அளவில் பெரும் எதிர்பார்ப்பை ஏற்படுத்தியுள்ள நிலையில் இந்த படம் தற்போது தணிக்கை செய்யப்பட்டுள்ளது. இந்த படத்தை பார்த்த தணிக்கை அதிகாரிகள் எவ்வித கட்’டும் இல்லாமல் ‘U’சான்றிதழ் கொடுத்துள்ளனர்.
இந்த படம் ‘U’சான்றிதழ் பெற்றுள்ளதால் தமிழக அரசின் 30% வரிவிலக்கு கிடைக்க அதிக வாய்ப்பு உள்ளது. மேலும் இந்த படத்தின் தணிக்கை சான்றிதழ் கிடைத்ததை அடுத்து இந்த படம் வரும் அக்டோபர் 7ஆம் தேதி வெளியாகும் என்று அதிகாரபூர்வமாக அறிவிக்கப்பட்டுள்ளது.
மேலும் சிவகார்த்திகேயன் படங்கள் என்றால் குழந்தைகள் விரும்பி பார்க்கும் படம் என்பதால் ‘U’சான்றிதழ் மிகப்பெரிய பலமாக கருதப்படுகிறது. நர்ஸ் உள்பட வித்தியாசமான நடிப்பில் சிவகார்த்திகேயன் நடித்துள்ள இந்த படம் அவரை அடுத்த நிலைக்கு கொண்டு செல்லும் என எதிர்பார்க்கப்படுகிறது. கீர்த்திசுரேஷ் நாயகியாக நடித்துள்ள இந்த படத்திற்கு அனிருத் இசையமைத்துள்ளார்.
