வெடிக்குமா வேதிப்பொருள் தொழிற்சாலை? அமெரிக்க மக்கள் அதிர்ச்சி
அமெரிக்காவில் சமீபத்தில் வீசியா ஹார்வே புயலால் கடுமையான பாதிப்பு ஏற்பட்டுள்ள நிலையில் இந்த புயல் காரணமாக டெக்சாஸ் மாகாணத்தில் உள்ள வேதிப்பொருள் தொழிற்சாலை வெடிக்கும் அபாயத்தில் இருப்பதாக கூறப்படுவதால் அந்த பகுதியில் வாழும் ஆயிரக்கணக்கான பொதுமக்கள் வெளியேற்றப்பட்டு வருகின்றனர். இதனால் பெரும் பரபரப்பு ஏற்பட்டுள்ளது.
வேதிப்பொருட்கள் தயாரிக்கும் இந்த தொழிற்சாலையில் உள்ள மின்சாதன அறைகளில் வெள்ளநீர் புகுந்துவிட்டதால் வேதிப்பொருட்களை குளிர்நிலையில் வைத்திருக்கும் எந்திரங்கள் வேலை செய்யவில்லை என்றும் அதனால் எந்த நேரத்திலும் தொழிற்சாலை வெடிவிபத்து ஏற்படும் அபாயம் என்ற நிலை உள்ளதாகவும் கூறப்படுகிறது.
இதனால் தொழிற்சாலையில் புகுந்துள்ள வெள்ளநீரை வெளியேற்றும் நடவடிக்கை எடுக்கப்பட்டு வருவதாகவும், மிகவிரைவில் மின்சாதனங்களை இயக்க நடவடிக்கை எடுக்கப்பட்டு வருவதாகவும் அந்த தொழிற்சாலையின் அதிகாரிகள் தெரிவித்துள்ளனர்.
