திருத்தப்பட்ட பேருந்துகள் கட்டணம்: இன்று முதல் அமல்
தமிழகத்தில் சமீபத்தில் சுமார் 60% வரை பேருந்து கட்டணங்கள் உயர்த்தப்பட்டதால் பொதுமக்கள், மாணவர்கள், அரசியல் கட்சிகள் தொடர் போராட்டம் நடத்தியது. இந்த நிலையில் பொதுமக்களின் போராட்டத்தை அடுத்து தமிழக அரசு கொஞ்சமாக பேருந்து கட்டணங்களை குறைத்துள்ளது.
இதன்படி இனிமேல் சாதாரண பேருந்தில் கி.மீ-க்கு 2 பைசாவும், விரைவு மற்றும் சொகுசு பேருந்தில் கி.மீ 5 பைசாவும் அதிநவீன சொகுசு பேருந்து மற்றும் குளிர்சாதன பேருந்தில் கி.மீ-க்கு 10 பைசாவும் குறைக்கப்பட்டுள்ளதாகவும், இந்த கட்டண குறைப்பு இன்று முதல் அமலுக்கு வரும் என்றும் கூறப்பட்டுள்ளது
இருப்பினும் ஏற்றும்போது ரூபாய் கணக்கில் ஏற்றிவிட்டு குறைக்கும்போது பைசா கணக்கில் குறைத்துள்ள தமிழக அரசை கண்டித்து போராட்டங்களை தொடரவுள்ளதாக அரசியல் கட்சிகள் தெரிவித்துள்ளன.
