பாகுபலி 2′ கிளைமாக்ஸ் காட்சிகளுக்கு மட்டும் ரூ.30 கோடி?
பிரமாண்ட இயக்குனர் எஸ்.எஸ்.ராஜமவுலி இயக்கி வரும் ‘பாகுபலி 2’ படத்தின் கிளைமாக்ஸ் காட்சிகளின் படப்பிடிப்பு தற்போது விறுவிறுப்பாக நடைபெற்று வருகிறது. முதல் பாகம் உலகம் முழுவதும் சுமார் 600 கோடி ரூபாய்க்கும் மேல் வசூல் செய்ததால் இந்த படத்தின் தயாரிப்பாளர் இயக்குனருக்கு முழு சுதந்திரம் கொடுத்துள்ளார். எனவே இந்த படத்தின் கிளைமாக்ஸ் காட்சியை திட்டமிட்டதைவிட பிரமாண்டமாக இயக்க அவர் முடிவு செய்துள்ளார்.
சுமார் 30 கோடி ரூபாய் செலவில் இந்த படத்தின் கிளைமாக்ஸ் காட்சிகள் ஹாலிவுட் படங்களுக்கு இணையாக பிரமாண்டமாக உருவாகி வருவதாகவும் சர்வதேச தொழில்நுட்ப கலைஞர்கள் மற்றும் ஸ்டண்ட் கலைஞர்கள் பங்கேற்கும் இந்த கிளைமாக்ஸ் போர்க்காட்சிகள் முதல் பாகத்தை விட பிரமிப்பை ஏற்படுத்தும் என்றும் படக்குழுவினர் தெரிவித்துள்ளனர்.
பிரபாஸ், அனுஷ்கா, தமன்னா, ராணா, சத்யராஜ், ரம்யா கிருஷ்ணன், உள்ளிட்ட பலர் நடித்து வரும் இந்த படத்திற்கு மரகதமணி இசையமைத்துள்ளார். இந்த படம் தமிழ், தெலுங்கு, இந்தி உள்பட பல மொழிகளில் டப் ஆக உள்ளது என்பது குறிப்பிடத்தக்கது.
