கமல் படத்தின் இயக்குனர் திடீர் மாற்றமா?

கமல் படத்தின் இயக்குனர் திடீர் மாற்றமா?

பிரபல மலையாள இயக்குனர் ராஜீவ்குமார் இயக்கத்தில் கமல்ஹாசன், ஸ்ருதிஹாசன், ரம்யாகிருஷ்ணன், பிரம்மானந்தம் உள்ளிட்ட பலர் நடித்து வரும் ‘சபாஷ் நாயுடு’ படத்தின் படப்பிடிப்பு அமெரிக்காவில் நடைபெற்று வருகிறது.

இந்நிலையில் படப்பிடிப்பின் இடையே திடீரென இயக்குனர் ராஜீவ்குமாருக்கு உடல்நலம் சரியில்லாததால் அவர் இயக்க வேண்டிய காட்சிகளை கமல்ஹாசனே இயக்குவதாகவும், இன்னும் ஒருசில நாட்களில் ராஜீவ்குமார் உடல்நிலை தேறியதும் அவர் தன் பணியை தொடர்வார் என்றும் கூறப்படுகிறது.

இந்த தகவலை கமல்ஹாசன் தனது டுவிட்டரில் உறுதி செய்துள்ளார். அவர் தன் டுவிட்டரில் “I am directing the dance as Rajeev is unwell. Hope he gets well soon @shrutihaasan @KunduNaiduRaw’ என்று பதிவு செய்துள்ளார். ஸ்ருதிஹாசனின் பாடல் காட்சி ஒன்றை நேற்று கமல்ஹாசன் படமாக்கியதாக கூறப்படுகிறது.