பெண்களுக்கான எஸ்.ஏ.எப்.எப். சாம்பியன்ஷிப் கால்பந்து போட்டி தற்போது பாகிஸ்தானில் நடைபெற்று வருகிறது. முதல் அரை இறுதி போட்டியில் நேற்று இந்தியா மற்றும் இலங்கை அணிகள் மோதின.
இந்திய அணியின் வீராங்கனை இந்துமதி போட்டி தொடங்கிய 23வது நிமிடத்தில் முதல் கோலை அடித்து கணக்கை ஆரம்பித்து வைத்தார்.. அதனை அடுத்து 31வது நிமிடத்தில் பாலா தேவி 2வது கோலை அடித்ததால் இந்திய அணி 2-0 என்று முன்னணியில் இருந்தது. இதன் பின்னர் 48வது நிமிடத்தில் பரமேஷ்வரி தேவி ஒரு கோலும், 69வது நிமிடத்தில் மீண்டும் இந்துமதி ஒரு கோலையும் அடித்தனர். கடைசியாக கமலாதேவி 5வது கோலை 72 நிமிடத்தில் அடித்தார்.
இந்திய வீராங்கனைகளின் ஆவேசமான ஆட்டத்தால் திணறிய இலங்கை வீராங்கனைகள் கடைசிவரை ஒருகோல் கூட அடிக்கவில்லை. இதனால் 5-0 என்ற கணக்கில் வெற்றி பெற்ற இந்திய அணி இறுதிப்போட்டிக்கு தகுதி பெற்றது.
