கடந்த வாரம் ‘சன் ஆப் சத்தியமூர்த்தி’ என்ற சூப்பர் ஹிட் படத்தில் நடித்த நடிகை சமந்தா, அந்த படத்தின் வெற்றியால் பெரும் உற்சாகம் அடைந்துள்ளார். தற்போது நேபாளத்தில் விக்ரமுடன் ’10 எண்றதுக்குள்ள’ என்ற படத்தில் நடித்து வரும் சமந்தா, அந்த படத்தில் இரு மாறுபட்ட வேடத்தில் நடிப்பதாக கூறப்படுகிறது.
நேபாள பெண்ணாக ஒரு கேரக்டரில் நடிக்கும் சமந்தாவுக்கு இந்த படத்தில் சண்டைக்காட்சிகளும் உண்டு என்கிறது படக்குழு வட்டாரங்கள். சமீபத்தில் சண்டைக்காட்சி ஒன்றில் நடித்த சமந்தாவுக்கு சிறிய அளவில் காயம் ஏற்பட்டதாகவும், இருப்பினும் காயத்தை பொருட்படுத்தாமல் சமந்தா படப்பிடிப்பில் தொடர்ந்து நடித்ததாகவும் கூறப்படுகிறது.
கோலி சோடா’ என்ற வெற்றி படத்திற்கு பின்னர் விஜய் மில்டன் ஒளிப்பதிவு செய்து இயக்கி வரும் இந்த படத்தில் விக்ரம், சமந்தா, பசுபதி, ஜாக்கி ஷெராப், மனோபாலா, அபிமன்யூ சிங், சம்பூர்ணேஷ் பாபு உள்பட பலர் நடித்து வருகின்றனர். இந்த படத்தில் பிரபல நடிகை சார்மி குத்துப்பாடல் ஒன்றுக்கு ஆடியுள்ளார் என்பது குறிப்பிடத்தக்கது. விறுவிறுப்பான ரேஸ் திரைப்படமான இந்த படம் வரும் மே மாதம் ரிலீஸாகும் என எதிர்பார்க்கப்படுகிறது. இந்த படத்தை பிரபல இயக்குனர் ஏ.ஆர்.முருகதாஸ் தயாரித்து வருகிறார்.
