அஞ்சான் நாயகி சமந்தா திடீரென திரையுலகில் இருந்து விலகயிருப்பதாக செய்திகள் வெளியாகியுள்ளதால் அவருடைய ரசிகர்கள் கடும் அதிர்ச்சி அடைந்துள்ளனர்.
சமீபத்தில் ரிலீசான அஞ்சான் படத்தில் நடித்த சமந்தா, தற்போது விக்ரமுடன் 10 எண்றதுக்குள்ள’ என்ற படத்தில் நடித்து வருகிறார். மேலும் ஒருசில தெலுங்கு மற்றும் இந்தி படங்களிலும் நடித்து வருகிறார். இந்நிலையில் சமந்தா கடந்த இரண்டு நாட்களுக்கு முன்னர் அளித்த பேட்டி ஒன்றில் தான் கூடியவிரைவில் திரையுலகில் இருந்து விலக போவதாக கூறியுள்ளார்.
இதனால் சமந்தாவின் ரசிகர்கள் கடும் அதிர்ச்சி அடைந்துள்ளனர். ஆனால் சமந்தாவின் நண்பர்கள் சமந்தாவின் மனதை மாற்றியுள்ளதாகவும், இன்னும் சில ஆண்டுகள் நடிப்பார் என்றும் கூறி வருகின்றனர். இதுகுறித்து குழப்பமான ஒரு கருத்து கோலிவுட்டில் பரவி வருகிறது. மேலும் சமந்தா விரைவில் திருமணம் செய்து கொள்ள இருப்பதாகவும், அதனால் சினிமாவில் இருந்து விலக இருப்பதாகவும் கூறப்படுகிறது.
