அனைத்து சோஷியல் மீடியாவும் அதிரும் நாள் இதுதான். சமுத்திரக்கனி
தல அஜித் நடித்து வரும் ‘விவேகம்’ படத்தின் டீசர் வரும் 18ஆம் தேதி வியாழன் அன்று வெளியாகும் என்று அந்த படத்தின் இயக்குனர் அதிகாரபூர்வமாக அறிவித்த நாள் முதல் ஃபேஸ்புக், டுவிட்டர் பரபரப்பில் உள்ளது. அஜித் ரசிகர்கள் சோஷியல் மீடியாக்களை அதிர வைத்து வருகின்றனர்.
இந்நிலையில் அஜித் ரசிகர்கள் மட்டுமின்றி கோலிவுட் திரையுலகினர்களும் ‘விவேகம்’ டீசருக்கு தங்கள் வரவேற்பை அட்வான்ஸாக தெரிவித்துள்ளனர். அவர்களில் பிரபல இயக்குனர் மற்றும் நடிகர் சமுத்திரக்கனி தனது சமூக வலைத்தளத்தில் இதுகுறித்து கூறியபோது, ‘ஒரு டீசருக்கு மிகப்பெரிய எதிர்பார்ப்பு இருக்கின்ற்து என்றால் அது நிச்சயம் அஜித்தின் ‘விவேகம்’ படமாகத்தான் இருக்கும். மே 18ஆம் தேதி சோசியல் மீடியா அதிர போகிறது’ என்று கூறியுள்ளார்.
ஆனால் இதுகுறித்து சமுத்திரக்கனியிடம் விசாரித்தபோது, ‘அந்த ஸ்டேட்டஸ் தனது போலி டுவிட்டர் கணக்கில் வந்துள்ளதாகவும், விவேகம் பட டீசர் குறித்து தான் எந்த பதிவும் செய்யவில்லை என்றும் கூறியதாக செய்திகள் வெளிவந்துள்ளது.
