அதிமுக அழியும் என சாபம் விட்ட பிரபலத்தை சசிகலா சந்தித்தது ஏன்?
ஜெயலலிதா மறைவுக்கு பின்னர் சசிகலாவுக்கு அதிகாரங்கள் சென்றால் அதிமுக அழியும் என சாபம் இட்டவர் இந்து என்.ராம். இவ்வாறு சாபம் இட்ட ராம் அவர்களை நேற்று சசிகலா சந்தித்தது பெரும் பரபரப்பை ஏற்படுத்தியுள்ளது.
ஜெயலலிதா மருத்துவமனையில் அனுமதிக்கப்பட்டிருந்தபோதும் அவர் இறந்த பின்னர் ஆட்சி அதிகாரத்தை கைப்பற்ற சசிகலா முயற்சித்த போதிலும் கடுமையாக விமர்சனம் செய்த இந்து என்.ராம், நேற்று திடீரென சசிகலாவை நேரில் சந்தித்தார்.
போயஸ் கார்டனில் நடந்த இந்த சந்திப்பில் அதிமுகவின் எதிர்காலம் குறித்து இந்து என். ராமிடம் சசிகலா ஆலோசனை கேட்டதாகவும், அதிமுகவிற்கு கூட்டு தலைமை தான் தற்போதைக்கு சரியானது என ராம் கூறியதாகவும் தெரிவிக்கப்படுகிறது.
