அதிமுகவில் இருந்து சசிகலா புஷ்பா உறவினர் திடீர் நீக்கம்
கடந்த சனிக்கிழமை டெல்லி விமான நிலையத்தில் திமுக எம்.பி திருச்சி சிவாவை அதிமுக பெண் எம்பி சசிகலா புஷ்பா கன்னத்தில் அடித்த விவகாரம் விஸ்வரூபம் எடுத்து வருகிறது. இந்த பிரச்சனையால் சசிகலா புஷ்பா அதிமுகவில் இருந்து அதிரடியாக நீக்கப்பட்டார்.
இந்நிலையில் சசிகலா புஷ்பாவின் உறவினர்கள் ஜெகதீஷும் கட்சியில் இருந்து இன்று நீக்கப்பட்டுள்ளார். இவர் சசிகலா புஷ்பாவின் கணவர் லிங்கேஸ்வரருக்கு மிகவும் நெருக்கமான உறவினர் என்பது குறிப்பிடத்தக்கது.
மேலும் நெல்லை அதிமுகவை சேர்ந்த லாரன்ஸ் என்பவரும் அதிமுகவில் இருந்து நீக்கப்பட்டுள்ளார். ஜெகதீஷ் மற்றும் லாரன்ஸ் மீது பல ஊழல் குற்றச்சாட்டுக்கள் தொடர்ச்சியாக அதிமுக மேலிடத்திற்கு சென்று கொண்டிருந்ததாகவும், இதன் காரணமாக நீக்கப்பட்டதாகவும் அதிமுக வட்டாரங்கள் கூறினாலும், ஜெகதீஷ் நீக்கத்திற்கு சசிகலாபுஷ்பா பிரச்சனை ஒரு காரணமாக இருக்க வாய்ப்பு இருப்பதாக கூறப்படுகிறது.
