டுவிட்டரில் இணைந்தார் சசிகுமார்
கோலிவுட் திரையுலகில் பெரும்பான்மையான நடிகர், நடிகைகள் ஃபேஸ்புக், டுவிட்டரில் இணைந்து தங்களது படம் குறித்தும் தங்களைப் பற்றியும் அவ்வப்போது செய்திகள் வெளியிட்டு வருகின்றனர். ஆயிரக்கணக்கான, மில்லியன் கணக்கான ஃபாலோயர்களை இவர்கள் வைத்துள்ளதால் இவர்கள் பதிவு செய்யும் டுவீட் ஒரே நேரத்தில் மில்லியன் கணக்கானோர்களை சென்றடைகிறது. படங்களின் புரமோஷன்களுக்கும் ஃபேஸ்புக், டுவிட்டர் பெரிதும் உதவுகிறது.
இந்நிலையில் இதுவரை டுவிட்டரின் பக்கமே வராமல் இருந்த பிரபல நடிகரும் இயக்குனருமான சசிகுமார் தற்போது டுவிட்டரில் இணைந்துள்ளார். அவரது அதிகார்பூர்வ டுவிட்டர் பக்கம் @SasikumarDir என்ற பெயரில் ஆரம்பிக்கப்பட்டுள்ளது.
சசிகுமார் டுவிட்டரில் தனது முதல் பதிவாக ‘மறக்கவே முடியாத பாலுமகேந்திரா’ என்ற டுவீட்டை பதிவு செய்துள்ளார். சசிகுமாரின் டுவிட்டர் பக்கத்தை முதல் நாளிலேயே சுமார் 4000க்கும் மேற்பட்டோர் ஃபாலோ செய்து வருகின்றனர் என்பது குறிப்பிடத்தக்கது.
