சவுதி அரேபிய மன்னர் திடீர் மரணம். அடுத்த மன்னர் யார்?

சவூதி அரேபியா நாட்டின்  மன்னர் அப்துல்லா பின் அப்துல்அஜிஸ் உடல் நலக்குறைவு காரணமாக இன்று அதிகாலை திடீரென மரணம் அடைந்தார்.  அவருக்கு வயது 90.

கடந்த 2005 ஆம் ஆண்டு  மன்னராகப்  பதவியேற்ற அப்துலா  நுரையீரல் தொற்று நோய் காரணமாக கடந்த சில நாட்களுக்கு முன்னர்  மருத்துவமனையில் அனுமதிக்கப்பட்டு சிகிச்சை பெற்று வந்தார். இந்நிலையில் இன்று அதிகாலை அவருடைய உடல்நிலை கவலைக்கிடமானதால் மருத்துவர்கள் அவருக்கு தீவிர சிகிச்சை அளித்தனர். ஆனாலும்சிகிச்சை பலன் இன்றி இன்று அதிகாலை சவூதி அரேபியா நேரப்படி அதிகாலை 1 மணியளவில் காலமானார் என அந்நாட்டு தொலைக்காட்சிகள் செய்தி வெளியிட்டுள்ளன.

சவுத மன்னர் மரணம் அடைந்ததை அடுத்து, அடுத்த மன்னராக, தற்போது இளவரசராக இருக்கும் 79 வயதான சல்மான் பின் அப்துல்அஜிஸ்  அவர்களுக்கு மன்னராக முடிசூட்டப்படும் என தகவல்கள் தெரிவித்து வருகின்றன.