தனுஷ், செளந்தர்யா ரஜினியை இணைத்த இசையமைப்பாளர்
சூப்பர் ஸ்டார் ரஜினிகாந்த் இளைய மகளும், இந்தியாவின் முதல் மோஷன் கேப்ட்சர் திரைப்படமான ‘கோச்சடையான்’ பட இயக்குனருமான செளந்தர்யா ரஜினிகாந்த் இயக்கவுள்ள அடுத்த படம் ‘நிலவுக்கு என் மேல் எத்தனை கோபம்’ என்பது ஏற்கனவே அறிந்ததுதான்.
இந்நிலையில் இந்த படத்தின் நடிகர், நடிகையர் ஆன்லைன் மூலம் தேர்வு செய்யப்பட்டு வருகிறது. இந்த படத்தில் தனுஷ் மற்றும் மோகன்லால் மகன் ஆகியோர் சிறப்பு தோற்றத்தில் நடிப்பார்கள் என்று எதிர்பார்க்கப்படுகிறது.
இந்நிலையில் இந்த படத்திற்கு சீன் ரோல்டன் இசையமைக்க தற்போது ஒப்பந்தமாகியுள்லார். இவர் இசையமைத்த ‘ஜோக்கர்’ சமீபத்தில் வெளியாகி சூப்பர் ஹிட் ஆனது மட்டுமின்றி தனுஷ் இயக்கி வரும் முதல் படமான பவர்பாண்டி’ படத்திற்கும் இவர்தான் இசையமைத்து வருகிறார்
இந்த படத்தை பிரபல தயாரிப்பாளர் கலைப்புலி எஸ்.தாணு தனது வீ.கிரியேஷன்ஸ் நிறுவனம் மூலம் தயாரிக்கவுள்ளார் என்பது குறிப்பிடத்தக்கது
