சென்னை ஆர்.கே. நகர் இடைத்தேர்தல் குறித்து பரபரப்பான செய்திகள் அவ்வப்போது வெளிவந்து கொண்டிருக்கும் நிலையில் அடுத்த வருடம் நடைபெறவுள்ள தமிழக சட்டமன்ற தேர்தலுக்கு இப்பொழுதே வேட்பாளர்களை நாம் தமிழர் கட்சியின் தலைவர் சீமான் அறிவித்துள்ளார். இவரது அறிவிப்பை சமூக வலைத்தள பயனாளிகள் கேலியும் கிண்டலும் செய்து வருகின்றனர்.
நாம் தமிழர் கட்சியின் மாநிலப் பொதுக்குழு கூட்டம் சென்னை கூடுவாஞ்சேரியில் நேற்று நடைபெற்றது. இந்த கூட்டத்திற்கு தலைமை தாங்கிய சீமான், 2016ஆம் ஆண்டு சட்டசபை தேர்தலில் நிற்கும் வேட்பாளர்கள் பட்டியலை அறிவித்தார். இதன்படி
1. நாகர்கோவில்- கா.கலைக்கோட்டுதயம் (தமிழன் தொலைக்காட்சி நிறுவனர்)
2. சிவகெங்கை – வழக்கறிஞர் எழில்குமரன்
3. திருவாடனை வழக்கறிஞர் ராஜீவ்காந்தி
4. சோழிங்கநல்லூர் வழக்கறிஞர் இராசன்
5. திருப்பத்தூர் கோட்டைக்குமார் (திரைப்பட தயாரிப்பாளர்)
6. அம்பத்தூர்- அன்புத்தென்னரசன்
7. கவுண்டம்பாளையம் – இயக்குனர் கார்வண்ணன்
8. கும்பகோணம்- வழக்கறிஞர் மணி செந்தில்
9. மைலம் மருத்துவர் விஜயலெட்சுமி
ஏற்கனவே, பேராவூரணி, சிங்காநல்லூர் உள்ளிட்ட சட்டமன்றத் தொகுதிகளுக்கு வேட்பாளர்கள் அறிவிக்கப்பட்டு விட்டனர் என்பது குறிப்பிடத்தக்கது.
