சீனாவில் உள்ள ஆறு ஒன்றில் தவறி விழுந்த இளம்பெண் ஒருவரை காப்பாற்றுவதற்காக முயற்சி செய்த அந்த பெண்ணின் குடும்பத்தை சேர்ந்த ஐந்து நபர்கள் பரிதாபமாக பலியாகியுள்ளதால் அந்த பகுதியே சோகத்தில் மூழ்கியுள்ளது.
தெற்கு சீனாவை சேர்ந்த சாண்ட்சூ என்ற பகுதியை சேர்ந்த ஆறு ஒன்றுக்கு எட்டு பேர்கள் அடங்கிய ஒரு குடும்பத்தினர் சென்றனர். அப்போது அந்த ஆற்றில் 17 வயது இளம்பெண் ஒருவர் கை கழுவுவதற்காக இறங்கினார். அப்போது திடீரென நிலை தடுமாறி ஆற்றில் விழுந்த அவர் ஆற்று நீரினால் அடித்து செல்லப்பட்டார். ‘
இதை கரையில் இருந்து பார்த்த அவரது குடும்பத்தினர் ஏழு பேர்களும் உடனடியாக மனிதச்சங்கிலி போன்று கை கோர்த்து ஆற்றில் இறங்கி ஆற்றில் அடித்து செல்லப்பட்ட இளம்பெண்ணை காப்பாற்றும் முயற்சியில் ஈடுபட்டனர். ஆனால் எதிர்பாராதவிதமாக அவர்கள் அனைவரும் ஆற்று நீரினால் அடித்து செல்லப்பட்டனர்.
இதுகுறித்து தகவல் கிடைத்தவுடன் மீட்புப்படையினர் விரைந்து வந்து ஆற்றில் தத்தளித்து கொண்டிருக்கும் குடும்பத்தினர்களை காப்பாற்றும் முயற்சியில் ஈடுபட்டனர். ஆனால் பரிதாபமாக அந்த குடும்பத்தின் ஐந்து பேர் பலியானதால் அந்த பகுதியே சோகத்தில் மூழ்கியுள்ளது.
