விராத் கோஹ்லியுடன் இணைகிறார் ஸ்ருதிஹாசன்
பிரபல கிரிக்கெட் வீரர் விராத்கோஹ்லியை பாலிவுட் பிரபல நடிகை அனுஷ்கா சர்மா காதலிப்பதாகவும் விரைவில் இருவருக்கும் இடையே திருமணம் நடைபெறவுள்ளதாகவும் கூறப்படும் நிலையில் தற்போது விராத் கோஹ்லியுடன் நடிகை ஸ்ருதிஹாசன் இணைந்துள்ளார். ஆனால் ஸ்ருதி இணைந்தது ஒரு விளம்பர படத்தின் படப்பிடிப்பிற்காக என்பது குறிப்பிடத்தக்கது.
பிரபல எலக்ட்ரானிக் நிறுவனம் ஒன்று தயாரித்துள்ள விளம்பரம் படம் ஒன்றில் ஸ்ருதிஹாசன் பிரபல கிரிக்கெட் வீரர்களான விராத் கோஹ்லி, ஷேன் வாட்சன் மற்றும் கிறிஸ் கெய்ல் ஆகியோர்களுடன் நடித்துள்ளார். இந்த படத்தின் படப்பிடிப்பு பெங்களூரில் சமீபத்தில் நடைபெற்றது. மேற்கண்ட மூன்று வீரர்களும் பெங்களூர் அணியை சேர்ந்தவர்கள் என்பது குறிப்பிடத்தக்கது.
இந்த விளம்பரம் கிளாமர் மற்றும் ரிச்சாக வந்திருப்பதாகவும், விரைவில் இந்த விளம்பரங்கள் அனைத்து தொலைக்காட்சிகளிலும் ஒளிபரப்பப்பட உள்ளதாகவும் கூறப்படுகிறது.
