பிப்ரவரி 2ல் மீண்டும் ஜல்லிக்கட்டு
பொங்கல் திருவிழாவையொட்டி சமீபத்தில் மிகச்சிறப்பாக அலங்காநல்லூர், பாலமேடு ஆகிய பகுதிகளில் ஜல்லிக்கட்டு சிறப்பாக நடந்து முடிந்த நிலையில் தற்போது பிப்ரவரி 2ஆம் தேதி திரையரங்குகளில் ஜல்லிக்கட்டு நடைபெறவுள்ளது
ஆம், ஜல்லிக்கட்டை மையமாக வைத்து உருவான சண்முகப்பாண்டியனின் ‘மதுரவீரன்’ திரைப்படம் வரும் பிப்ரவரி 2ஆம் தேதி வெளியாவது தற்போது உறுதி செய்யப்பட்டுள்ளது. சற்று முன்னர் ரிலீஸ் தேதியுடன் கூடிய புதிய போஸ்டர் ஒன்றும் இணையதளங்களில் வெளியாகியுள்ளது.
சண்முகப்பாண்டியன், மீனாட்சி, சமுத்திரக்கனி, வேலராமமூர்த்தி, பாலசரவணன், ஜி.மாரிமுத்து, மொட்டை ராஜேந்திரன் உள்பட பலர் நடித்துள்ள இந்த படத்திற்கு சந்தோஷ் தயாநிதி இசையமைத்துள்ளார். பி.ஜி.முத்தையா ஒளிப்பதிவில், ப்ரவீண் படத்தொகுப்பில் உருவாகியுள்ள இந்த படத்தை வி ஸ்டுடியோஸ் மற்றும் பிஜி மீடியா ஒர்க்ஸ் நிறுவனங்கள் தயாரித்துள்ளன. ஜல்லிக்கட்டு சம்பந்தப்பட்ட கதையம்சம் கொண்ட இந்த படம் நல்ல வரவேற்பை பெறும் என்று எதிர்பார்க்கப்படுகிறது.
