தமிழ்நாடு சீருடைப் பணியாளர் தேர்வுக் குழுமம் நடத்தும் காவல் உதவி ஆய்வாளர் (எஸ்.ஐ.) தேர்வுக்கான அழைப்புக் கடிதங்களை இணையதளத்தில் பதிவிறக்கம் செய்து கொள்ளலாம் என்று தெரிவிக்கப்பட்டுள்ளது.
காலியாக உள்ள காவல் உதவி ஆய்வாளர் பணிக்கான எழுத்து தேர்வு நடைபெறவுள்ளது. பொது விண்ணப்பதாரர்களுக்கான தேர்வு மே 23-ஆம் தேதியும், காவல் துறை ஒதுக்கீடு (20 சதவீதம்) விண்ணப்பதாரர்களுக்கு 24-ஆம் தேதியும் தேர்வுகள் நடைபெறும்.
அனைத்து மாவட்ட தலைநகரங்களிலும் தேர்வுகள் நடைபெறும். இந்த தேர்வுக்கான அழைப்புக் கடிதம் ஏற்கெனவே இணையதளத்தில் பதிவேற்றம் செய்யப்பட்டுள்ளது. www.tnusrbexams.net என்ற இணையதளத்தில் அழைப்புக் கடிதங்களை பதிவிறக்கம் செய்து கொள்ளலாம். இதுகுறித்த விவரங்கள் விண்ணப்பதாரர்களின் செல்லிடப்பேசி, மின்னஞ்சலுக்கு குறுஞ்செய்தியாக அனுப்பப்பட்டுள்ளது. இந்தக் கடிதத்தை பதிவிறக்கம் செய்து தேர்வில் பங்கேற்கலாம் என்று அதில் தெரிவிக்கப்பட்டுள்ளது.
