‘சைத்தான்’ பட இயக்குனரின் அடுத்த படத்தில் சிபிராஜ்
பிரபல நடிகர் சத்யராஜின் மகன் சிபிராஜ் நீண்ட வருடங்களாக ஒரே ஒரு வெற்றி படத்தை எதிர்நோக்கியிருந்த நிலையில் ‘நாய்கள் ஜாக்கிரதை’ படம் அவருக்கு ஒரு வெற்றிகரமான ரீஎண்ட்ரியை கொடுத்தது. இதற்கு பின்னர் வெளியான ‘ஜாக்சன் துரை’ சமீபத்தில் வெளிவந்து வெற்றி பெற்றதால் அவருடைய மார்க்கெட் ஓரளவுக்கு மேலேறியது.
இந்நிலையில் தற்போது அவர் ‘கட்டப்பாவை காணோம்’ என்ற படத்தில் நடித்து வரும் நிலையில் மேலும் ஒரு படத்தில் நடிக்க சிபிராஜ் ஒப்பந்தமாகியுள்ளார்.
சிபிராஜின் அடுத்த படத்தை இயக்கவுள்ளவர் விஜய் ஆண்டனியின் ‘சைத்தான்’ படத்தை இயக்கிய பிரதீப் கிருஷ்ணமூர்த்தி. இந்த தகவலை சிபிராஜ் தனது டுவிட்டரில் உறுதி செய்துள்ளார்
இந்த படத்தில் அறிவிப்பு மிக விரைவில் வெளியாகும் என்றும் இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும் கூறப்படுகிறது.
