‘பிரேமம்’ இயக்குனரின் அடுத்த படத்தில் சிம்பு
சிம்பு நடித்த ‘அச்சம் என்பது மடமையடா’ திரைப்படம் வரும் வாரம் ரிலீஸ் ஆகும் என்று எதிர்பார்க்கப்படும் நிலையில் அவர் தற்போது ஆதிக் ரவிச்சந்திரனின் இயக்கத்தில் ‘அன்பானவன் அசராதவன் அடங்காதவன்’ என்ற படத்தில் நடித்து வருகிறார். இந்த படத்தின் படப்பிடிப்பு இறுதிக்கட்டத்தை நோக்கி சென்று கொண்டுள்ளது.
இந்நிலையில் பிரபல மலையாள இயக்குனர் ‘பிரேமம்’ அல்போன்ஸ் புத்திரன் இயக்கவுள்ள அடுத்த படத்தில் சிம்பு நடிக்கவுள்ளதாகவும், இதுவொரு அதிரடி ஆக்சன் படம் என்றும் இந்த படத்தின் படப்பிடிப்பு வரும் 2017ல் தொடங்கும் என்றும் கூறப்படுகிறது.
அல்போன்ஸ் புத்திரன் – சிம்பு இணையவுள்ள இந்த படம் ஒரே நேரத்தில் தமிழ், தெலுங்கு, மலையாளம் மற்றும் இந்தி என நான்கு மொழிகளில் உருவாக்கப்படவுள்ளதாகவும் இந்த படம் குறித்த அதிகாரபூர்வ அறிவிப்பு விரைவில் அறிவிக்கப்படும் என்றும் கூறப்படுகிறது.
