இதுவரை கிராமத்து கேரக்டர்களில் நடித்து வந்த இளம் கதாநாயகி லட்சுமி மேனன் முதன்முதலாக அட்டகாசமான நகரத்து மாடல் பெண் வேடத்தில் நடிகை லட்சுமி மேனன் நடிக்கவுள்ளதாக செய்திகள் வெளிவந்துள்ளது.
கும்கி, சுந்தரபாண்டியன், மஞ்சப்பை, கொம்பன் ஆகிய ஹிட் படங்களில் நடித்த நடிகை லட்சுமி மேனன், கிருத்திகா உதயநிதி இயக்கவுள்ள அடுத்த படத்தில் நடிக்க ஒப்பந்தம் செய்யப்பட்டுள்ளார். இந்த படத்தில் அவர் சிம்புவுக்கு ஜோடியாக நடிக்கவுள்ளார் என்பது குறிப்பிடத்தக்கது.
அனிருத் இசையமைக்கவுள்ள இந்த படத்தை உதயநிதியின் ரெட் ஜெயண்ட் நிறுவனம் தயாரிக்கவுள்ளது. ரொமான்ஸ் மற்றும் நகைச்சுவைக்கு முக்கியத்துவம் கொடுத்து தயாரிக்கப்பட உள்ள இந்த படத்தின் படப்பிடிப்பு வரும் மே மாதம் முதல் தொடங்கும் என எதிர்பார்க்கப்படுகிறது.
சிம்பு ஏற்கனவே கவுதம் மேனனின் ‘அச்சமென்பது மடமையடா’, பாண்டிராஜின் ‘இது நம்ம ஆளு, மற்றும் செல்வராகவன் இயக்கவுள்ள ஒரு படம் ஆகியவற்றில் நடித்து வருகிறார் என்பது குறிப்பிடத்தக்கது.
