அஜித்துக்கு இந்த பாட்டு கச்சிதமாக பொருந்தும். விவேகம் பாடலாசிரியர்
தல அஜித் நடித்து முடித்துள்ள ‘விவேகம்’ படம் வரும் ஆகஸ்ட் 10ஆம் தேதி ரிலீஸ் ஆகும் என்று எதிர்பார்க்கப்படும் நிலையில் இந்த படத்தின் சிங்கிள் பாடலான ‘சர்வைவா’ பாடல் இன்று மாலை 6 மணிக்கு வெளியாகவுள்ளது. இந்த பாடலுக்கு மாபெரும் வரவேற்பு கிடைக்கும் என்று எதிர்பார்க்கப்படும் நிலையில் இந்த பாடலின் ராப் பகுதி வரிகளை எழுதி அனிருத்துடன் பாடியுள்ள உலகப்புகழ் பெற்ற ராப் பாடகர் யோகி பி இந்த பாடல் குறித்து சமீபத்தில் பேட்டி ஒன்றில் கூறியுள்ளார்.
அவர் கூறியதாவது: ‘இந்த பாடலின் வரிகள் வாழ்க்கையில் போராடும் ஒரு மனிதர் புத்துயிர் பெற்று எப்படி மீண்டு வருகிறார் என்பதை குறித்து எழுதப்பட்டுள்ளது. தல அஜித் உண்மையிலேயே தனது வாழ்க்கையில் போராடி வெற்றி பெற்றவர் என்பதால் இந்த பாடல் ‘விவேகம்’ படத்துக்கு மட்டுமின்றி அவருக்கும் பொருத்தமாக இருக்கும். நாம் எல்லோருமே வாழ்க்கையின் ஒரு கட்டத்தில் இக்கட்டான நிலையில் இருந்து மீண்டும் புத்துயிர் பெறுகிறோம். அந்த வகையில் இந்த பாடல் அனைவருக்கும் பொருந்தும் வகையில் இருக்கும்.
அனிருத் இந்த பாடலை லேட்டஸ்ட் மியூசிக் டிரெண்டில் கம்போஸ் செய்துள்ளதால் அவர் மற்ற இசையமைப்பாளர்களை விட அப்டேட்டில் உள்ளார் என்பது உறுதியாகிறது.
இவ்வாறு யோகி பி கூறியுள்ளார்.
