சீனாவில் திடீரென ஏற்பட்ட 10 அடி பள்ளம். பேருந்துக்காக காத்திருந்த 5 பேர் படுகாயம்
சீனாவில் பேருந்து நிலையத்தில் காத்திருந்த ஐந்து பயணிகள் திடீரென பூமியில் ஏற்பட்ட பள்ளம் ஒன்றில் விழுந்தனர். இந்த விபத்தில் ஐந்து பயணிகள் படுகாயம் அடைந்தனர். நல்லவேளையாக அவர்கள் அனைவரும் அதிர்ஷ்டவசமாக உயிர் பிழைத்தனர். இதனால் அந்த பகுதியில் பெரும் பரபரப்பு ஏற்பட்டுள்ளது.
வடகிழக்கு சீனாவில் பேருந்து நிலையம் ஒன்றில் பல பயணிகள் தாங்கள் செல்ல வேண்டிய பேருந்துக்காக காத்திருந்தனர். அப்போது அந்த பகுதியில் சுமார் பத்தடி ஆழத்திற்கு திடீர் பள்ளம் ஒன்று ஏற்பட்டது. இந்த பள்ளத்தில் பேருந்துக்காக காத்திருந்த ஐந்து பயணிகள் உள்ளே விழுந்தனர்/.
உடனடியாக மீட்புப்படையினர் விரைந்து வந்து பள்ளத்தில் விழுந்தவர்களை காப்பாற்றினர். பள்ளத்தில் விழுந்த அனைவரும் படுகாயம் அடைந்திருந்தனர். உடனடியாக அருகில் உள்ள மருத்துவமனையில் அவர்கள் அனுமதிக்கப்பட்டு சிகிச்சை பெற்று வருகின்றனர். இந்த விபத்து குறித்து விசாரணை நடந்து வருகிறது.
இந்த விபத்து அந்த பகுதியில் வைக்கப்பட்டிருந்த சிசிடிவி கேமராவில் பதிவாகியுள்ளது. அந்த வீடியோவை தற்போது பாருங்கள்
https://www.youtube.com/watch?t=58&v=r00xqNocGJY
