சிவகார்த்திகேயனின் அடுத்த படத்தில் சினேகா
கோலிவுட்டின் முன்னனி நடிகரான சிவகார்த்திகேயன் நடித்த ‘ரெமோ’ திரைப்படம் வரும் அக்டோபரில் வெளியாகவுள்ள நிலையில் அவர் நடிக்கவுள்ள அடுத்த படத்தின் படப்பிடிப்பு விரைவில் தொடங்கவுள்ளது.
சிவகார்த்திகேயன், நயன்தாரா, பஹத் பாசில், தம்பி ராமையா ஆகியோர் நடிக்கவுள்ளதாக கூறப்பட்ட இந்த படத்தை ஜெயம் ராஜா இயக்கவுள்ளார். இந்நிலையில் இந்த படத்தில் தற்போது சினேகா இணணந்துள்ளார். இவர் இந்த படத்தில் பஹ்த் பாசிலுக்கு ஜோடியாக நடிப்பார் என எதிர்பார்க்கப்படுகிறது.
நடிகர் பிரசன்னாவை திருமணம் செய்த பின்னர் படங்களில் நடிப்பதை குறைத்து கொண்ட சினேகா, குழந்தை பிறந்த பின்னர் நடிக்க ஒப்புக்கொண்ட முதல் தமிழ்ப்படம் இதுதான் என்பது குறிப்பிடத்தக்கது. கடந்த சில வாரங்களுக்கு முன் அவர் ஒரு மலையாள படத்தில் நடிக்க ஒப்பந்தமானார்.
