சிவகார்த்திகேயனின் அடுத்த பட தலைப்பு அறிவிப்பு
சிவகார்த்திகேயன் நடித்த ‘ரெமோ’ படத்தின் வெற்றியை அடுத்து அதே தயாரிப்பாளருக்கு சிவகார்த்திகேயன் நடித்து வரும் படத்தின் படப்பிடிப்பு கடந்த சில மாதங்களாக நடைபெற்று வந்தது. ஜெயம் ராஜா இயக்கத்தில் உருவாகி வந்த இந்த படத்தின் டைட்டில் சிவகார்த்திகேயனின் பிறந்த நாளான இன்று அதிகாரபூர்வமாக அறிவிக்கப்பட்டுள்ளது.
சிவகார்த்திகேயனின் அடுத்த படத்தின் டைட்டில் ‘வேலைக்காரன்’., இதே டைட்டிலில் கடந்த 1987ஆம் ஆண்டு சூப்பர் ஸ்டார் ரஜினிகாந்த் நடித்த படம் வெளிவந்தது என்பது குறிப்பிடத்தக்கது.
சிவகார்த்திகேயன், நயன்தாரா, சினேகா, பிரகாஷ்ராஜ், தம்பிராமையா உள்பட பலர் நடித்து வரும் இந்த படத்திற்கு அனிருத் இசையமைக்கின்றார்.
