சிவகார்த்திகேயன் நடித்த காக்கி சட்டை படத்தின் டிரைலர் நேற்று வெளியானது. இந்த டிரைலரை பார்த்ததும் சிவகார்த்திகேயன் ரசிகர்கள் மகிழ்ச்சி அடைந்தார்களோ இல்லையோ, ஆனால் அஜீத் ரசிகர்கள் பயங்கர குஷியாகிவிட்டார்கள்.
இந்த டிரைலரில் வரும் ஒரு வசனம். “தல ஸ்டைல்ல சொல்லணும்ன்னா, It’s just a beginning”. இந்த வசனத்தில் தல என்ற பெயர் வந்ததால் உடனே அஜீத் ரசிகர்கள் சிவகார்த்திகேயனை டுவிட்டரில் பெரிதும் புகழ்ந்து தள்ளினர். ஆனால் இதற்கு நேர்மாறாக விஜய் ரசிகர்கள் சிவகார்த்திகேயனை வறுத்து எடுத்துவிட்டனர்.
விஜய் அவார்ட் நிகழ்ச்சியில் சிவகார்த்திகேயனுக்கு விருது கொடுத்து அவரை ஊக்குவித்தது விஜய்தான் என்றும், ஆனால் தன்னுடைய படத்தில் தளபதியை பற்றி எதுவும் கூறாமல், எந்த உதவியும் செய்யாத அஜீத்தின் பெயரை மட்டும் கூறியிருப்பதாக டுவிட்டரில் விஜய் ரசிகர்கள் காய்ச்சி எடுத்தனர்.
டுவிட்டரில் இதுகுறித்து இன்று காலை முதல் ஆன்லைன் போரே நடந்து கொண்டிருக்கின்றது. சிவகார்த்திகேயன் தளபதி ரசிகர்களை எப்படி சமாதானப்படுத்துவது என்று தெரியாமல் திணறி வருவதாக கூறப்படுகிறது.
