எல்லாமே ஸ்மார்ட் ஆகிவரும் உலகில் பூட்டுகளும் ஸ்மார்ட்டாவது தானே முறை. அமெரிக்க நிறுவனமான டிஜிபாஸ்(Digipas), பயணத்தின்போது எடுத்துச்செல்லப்படும் சூட்கேஸ்களுக்கான ஸ்மார்ட் பூட்டை அறிமுகம் செய்திருக்கிறது. இஜீடச் (eGeeTouch) எனும் இந்தப் பூட்டை ஸ்மார்ட் போன் மூலம் திறக்கலாம்.
இந்த ஸ்மார்ட் பூட்டில் சாவியை மறந்து வைத்துத் தேடும் பிரச்சினையோ அல்லது ரகசிய எண்களை நினைவில் கொள்ள வேண்டிய அவசியமோ கிடையாது. லக்கேஜ் தவிர லாக்கர் மற்றும் வீட்டு அலமாரிகளிலும் இதைப் பயன்படுத்தலாம். நட்சத்திர ஹோட்டல் ஒன்றில்தான் இப்படி ஸ்மார்ட் போனால் திறக்கும் பூட்டு அறிமுகம் செய்யப்பட்டது. இதன் அடுத்த கட்டமாக சூட்கேஸ்களுக்கும் ஸ்மார்ட்லாக் வந்துவிட்டது. இனி வீடுகளுக்கும் வந்துவிடும்!
