அசைவம் சாப்பிடுபவர்கள் இந்துக்களே இல்லை! எச்.ராஜா கூறியது உண்மையா?
பாஜக தேசிய செயலர் எச்.ராஜா சர்ச்சைகளுக்கு பேர் போனவர். அவர் கூறும் பல கருத்துக்கள் பெரும் சர்ச்சையை ஏற்படுத்துவதோடு, சமூக வலைத்தளங்களில் பெரும் விவாதமாக எடுத்து கொள்ளப்படும்
இந்த நிலையில் சமீபத்தில் அவர் அசைவம் சாப்பிடுபவர்கள் இந்துக்களே இல்லை என்று கூறியதாக செய்திகள் வெளிவந்தது. இந்த கருத்துக்கு பெரும்பாலானவர்கள் எதிர்ப்பு தெரிவித்தும் ஒருசிலர் மட்டும் ஆதரவு கொடுத்தும் வந்தனர்.
இந்த நிலையில் இதுபோன்ற கருத்தை நான் தெரிவிக்கவே இல்லை என்றும் தான் சொல்லாதவற்றை யாரோ பொய்யாக வதந்தி பரப்பி வருவதாகவும் தனது டிவிட்டர் பக்கத்தில் ஹெச்.ராஜா மறுப்பு தெரிவித்துள்ளார்.
தமிழக பாஜகவின் அடுத்த தலைவர் எச்.ராஜாதான் என்று மேலிடம் பரிசீலித்து வரும் நிலையில் இத்தகைய ஒரு குற்றச்சாட்டு எச்.ராஜா மீது விழுந்துள்ளது என்பது குறிப்பிடத்தக்கது.
