‘லிங்கா’ நாயகி செய்த கின்னஸ் சாதனை

‘லிங்கா’ நாயகி செய்த கின்னஸ் சாதனை

சூப்பர் ஸ்டார் ரஜினிகாந்த் நடிப்பில் கடந்த 2014ஆம் ஆண்டு வெளிவந்த லிங்கா படத்தில் நடித்த பிரபல நடிகை சோனாக்ஷி சின்ஹாவின் பெயர் கின்னஸ் சாதனை புத்தக்கத்தில் இடம்பெற்றுள்ளது.

கடந்த மார்ச் 8-ஆம் தேதி உலக மகளிர் தினம் உலகம் முழுவதும் வெகு சிறப்பாக கொண்டாடப்பட்ட நிலையில் அந்த தினத்தில் பிரபல காஸ்மெட்டிக் நிறுவனம் ஒன்று ஒரே நேரத்தில் மிக அதிகளவிலான பெண்கள் பொது இடத்தில் நெயில் பாலீஷ் போடும் நிகழ்ச்சி ஒன்றினை ஏற்பாடு செய்திருந்தது. டெல்லியில் நடைபெற்ற இந்த நிகழ்ச்சியில் பல்வேறு துறைகளில் சாதனை புரிந்த பெண்கள் கலந்து கொண்டனர்.

இந்த நிகழ்ச்சியில் கலந்து கொண்டவர்களில் நடிகை சோனாக்ஷி சின்ஹாவும் ஒருவர். இந்த நிகழ்ச்சிக்கு கின்னஸ் சாதனை விருது கிடைத்துள்ளது. இதில் கலந்து கொண்ட சோனாக்ஷி சின்ஹா உள்பட அனைவரின் பெயர்களும் கின்னஸ் சாதனை புத்தகத்தில் இடம்பெறுகிறது. சோனாக்ஷி சின்ஹாவுக்கு கின்னஸ் சாதனை சான்றிதழும் வழங்கப்பட்டது. சிறுவயதில் இருந்தே கின்னஸ் சாதனை படைத்தவர்கள் குறித்த செய்தியை படிப்பது தனக்கு விருப்பமான ஒன்று என்றும் இன்று அந்த புத்தகத்தில் தனது பெயரே இடம்பெற்றுள்ளது தனக்கு மட்டில்லாத மகிழ்ச்சியை அளித்துள்ளது என்றும் அவர் கூறியுள்ளார்.

Chennai Today News: Sonakshi Sinha’s name in Guinness record book