ஒரே படத்தில் ரஜினி-தனுஷ்? இயக்குனர் செளந்தர்யா ரஜினிகாந்த்
சூப்பர் ஸ்டார் ரஜினிகாந்த் நடித்த ‘கோச்சடையான்’ படத்தை இயக்கிய செளந்தர்யா ரஜினிகாந்த், விரைவில் தனது சகோதரி ஐஸ்வர்யாவுடன் இணைந்து ரஜினியின் வாழ்க்கை வரலாற்று படத்தை இயக்க திட்டமிட்டுள்ளனர். இந்நிலையில் செளந்தர்யா விரைவில் ரொமான்ஸ் மற்றும் காமெடி கலந்த ஒரு படத்தை இயக்க திட்டமிட்டுள்ளார். இந்த படத்தின் திரைக்கதை அமைக்கும் பணி முடிந்துவிட்டதாகவும் விரைவில் படப்பிடிப்பை தொடங்கவுள்ளதாகவும் தெரிவித்துள்ளார்.
இந்நிலையில் இந்த படத்தில் தனுஷ் ஹீரோவாக நடிக்கவுள்ளதாக செய்திகள் வெளிவந்தது. இதுகுறித்து அவர் விளக்கமளித்தபோது, ‘இந்த படத்தில் நடிக்கும் நடிகர், நடிகையர் தேர்வு விரைவில் ஆரம்பமாகவுள்ளது. தனுஷ் இந்த படத்தின் ஹீரோ இல்லை’ என்று கூறியுள்ளார். மேலும் ‘வை ராஜா வை’ படம் போல தனுஷ் சிறப்பு தோற்றத்தில் தோன்ற வாய்ப்பு இருப்பதாகவும், அதேபோல் ரஜினியும் ஒரு சிறு கேரக்டரில் நடிக்க வாய்ப்பு இருப்பதாகவும் கூறப்படுகிறது.
இந்த படத்தை தயாரிக்க பெரிய நிறுவனம் ஒன்றுடன் செளந்தர்யா பேச்சுவார்த்தை நடத்தி வருவதாகவும் விரைவில் இதுகுறித்த அதிகாரபூர்வ அறிவிப்பு வெளியாகும் என்றும் கூறப்படுகிறது.
