தென்னாப்பிரிக்காவுக்கு எதிரான முதல் டெஸ்ட். இந்தியா 201க்கு ஆல் அவுட்
தென்னாப்பிரிக்காவுக்கு எதிரான 20-20 தொடர், ஒருநாள் தொடர் ஆகிய இரண்டையும் இழந்த இந்திய கிரிக்கெட் அணி, டெஸ்ட் தொடரை இன்று முதல் துவக்கியுள்ளது.
இன்று சண்டிகாரில் ஆரம்பமான முதல் டெஸ்ட் போட்டியில் டாஸ் வென்ற இந்திய அணி முதலில் பேட்டிங் செய்தது. ஆனால் தென்னாப்பிரிக்க பந்துவீச்சாளர்களின் பந்துவீச்சை தாக்குப்பிடிக்க முடியாமல் இந்திய அணி 68 ஓவர்களில் 201 ரன்களில் ஆட்டமிழந்தது.
தொடக்க ஆட்டகாரரான முரளி விஜய் மட்டும் ஓரளவுக்கு தாக்கு பிடித்து 75 ரன்கள் எடுத்தார். தவான், சாஹா, ஆரோன் ஆகிய மூன்று பேட்ஸ்மேன்கள் ரன் ஏதும் எடுக்காமலும், விராத் கோஹ்லி 1 ரன்னிலும், மிஸ்ரா 6 ரன்களிலும், யாதவ் 5 ரன்களிலும் ஆட்டமிழந்தனர்.
இதனை தொடர்ந்து முதல் இன்னிங்ஸை தொடங்கிய தென்னாப்பிரிக்க அணி சற்று முன்னர் வரை 3 ஓவர்களில் விக்கெட் இழப்பின்றி 2 ரன்கள் எடுத்துள்ளது.
