மஷ்ரூம் புலாவ்

மஷ்ரூம் – 100 கிராம்

பாஸ்மதி அரிசி – 1 கப்

வெங்காயம் – 2

ப.மிளகாய் – 3

புதினா – 1 கைப்பிடி

கொத்தமல்லி – 1 கைப்பிடி

பட்டை, கிராம்பு, ஏலக்காய், பிரியாணி இலை – தலா 2

இஞ்சி, பூண்டு விழுது – 2 ஸ்பூன்

தயிர் – சிறிதளவு

பால் – அரை கப்

உப்பு, எண்ணெய் – தேவையான அளவு

நெய் – 2 ஸ்பூன்

செய்முறை :

• வெங்காயம், ப.மிளகாய், புதினா, கொத்தமல்லியை பொடியாக நறுக்கி கொள்ளவும்.

• அரிசியை நன்றாக கழுவி வைக்கவும்.

• குக்கரில் எண்ணெய் ஊற்றி பட்டை, கிராம்பு, ஏலக்காய், பிரியாணி இலை போட்டு தாளித்து அதனுடன் புதினா, கொத்தமல்லி, இஞ்சி பூண்டு விழுது போட்டு நன்றாக வதக்கவும்.

• பின் அதில் வெங்காயம், பச்சை மிளகாய், காளான் சேர்த்து வதக்கவும்.

• நன்கு வதங்கியதும் தயிர் சேர்த்து அதனுடன் ஊறவைத்துள்ள அரிசியை சேர்த்து சிறிது நேரம் வதக்கவும்.

• பிறகு அரை கப் பால், 1 கப் தண்ணீர் சேர்த்து தேவையான அளவு உப்பு சேர்த்து 3 விசில் விட்டு குறைந்த தீயில் 5 நிமிடம் வேக விட்டு இறக்கவும்.

• பரிமாறும் போது சிறிது நெய் சேர்த்து பரிமாறவும்.