5வது ஒருநாள் போட்டி. 165 ரன்கள் வித்தியாசத்தில் இலங்கை வெற்றி
இலங்கையில் சுற்றுப்பயணம் செய்து வரும் பாகிஸ்தான் அணி ஏற்கனவே ஒருநாள் தொடரை 3-1 என்ற நிலையில் வென்றுவிட்ட நிலையில் நேற்று இரு அணிகளுக்கு இடையேயான 5வது ஒருநாள் கிரிக்கெட் போட்டி நடைபெற்றது.
டாஸ் வென்ற இலங்கை அணி, முதலில் பேட்டிங் செய்தது. பெராராவின் அபாரமான சதம் மற்றும் மாத்யூஸ், தில்ஷான், ஸ்ரீவர்தனா ஆகியோர்களின் அதிரடி ஆட்டம் காரணமாக இலங்கை அணி 50 ஓவர்களில் 4 விக்கெட்டுக்களை மட்டும் இழந்து 368 ரன்கள் குவித்தது. பெராரே 116 ரன்களும், மாத்யூஸ் 70 ரன்களும், தில்ஷான் 62 ரன்களும் எடுத்தனர்
369 ரன்கள் எடுத்தால் வெற்றி என்ற கடின இலக்கை விரட்டிய பாகிஸ்தான் அணி, 37.2 ஓவர்களில் அனைத்து விக்கெட்டுக்களையும் இழந்து 203 ரன்கள் மட்டுமே எடுத்தது. அதிகபட்சமாக முகம்மது ஹபீஸ் 37 ரன்கள் எடுத்தார். எனவே இலங்கை அணி 165 ரன்கள் வித்தியாசத்தில் அபார வெற்றி பெற்றது. இருப்பினும் ஐந்து போட்டிகள் கொண்ட இந்த தொடரை சொந்த மண்ணில் பாகிஸ்தானிடம் 2-3 என்ற கணக்கில் இலங்கை இழந்தது.
ஆட்டநாயகனாக பெராராவும், தொடர் நாயகனாக முகம்மது ஹபீஸும் தேர்வு செய்யப்பட்டனர்.
